【大紀元2016年09月01日訊】（大紀元記者宋祥龍香港報導）香港藝人劉佩玥日前出席鐘錶活動擔任模特兒，近期因為《城寨英雄》劇集收視好，觀眾也很受落她，令她頻頻曝光接到不同的工作，收入增加自然令劉佩玥好開心。

樣子甜美有觀眾緣

其實觀眾對劉佩玥有份主演的《城寨英雄》中飾演柯小姐一角相當受落，她謙稱：「其實每個劇集都畀到我好多收穫，無論係前輩嘅指點定係工作。」劉佩玥對於《城寨英雄》大結局高收視感到意料之外，收視好代表觀眾鍾意劇集，出街也聽到觀眾追劇，希望再有機會拍多些TVB劇集給觀眾及粉絲睇。

積極打泰拳瘦身

因為劇集出街受歡迎，（咪會有好多廣告搵妳拍囉？）她表示：「很多工作仍在洽談中，會陸續有嚟，仲接咗廣告，但要賣個關子。」她還透露最近積極打泰拳及健身，瘦身出鏡會靚啲，希望可以在兩個星期內減去5磅就最理想。

請教陳展鵬控制體重

被問到她學泰拳有沒有叫伍允龍教她？劉佩玥即否認：「唔係！但我有請教過佢同陳展鵬點樣控制體重。佢哋都叫我唔好節食，因為會反彈得好快，要做運動同早瞓。我之前因為壓力免疫系統出咗啲問題，依家已經好好多，我希望個樣精神啲，唔駛執相。」不過劉佩玥就唔多滿意自己臉部有baby fat，像她媽咪一樣，現在她重點係修身先，臉部則順其自然，幸好網友都話她臉部有些肉幾得意。◇

責任編輯：黃浩