(//www.tvsmo.com)
【大紀元4月23日訊】黎明日前為電影《不死情謎》拍攝一場穿玻璃戲時弄傷頭部，需立即入院縫針。經過一天休息，黎明昨日只好靠止痛藥復工，並在中環鬧市與謝天華拍對手戲，為求開工大吉，黎明埋位先以清香拜神。對於頭部的傷勢，黎明更笑言自己的傷口似足「片皮鴨」！

明報報道﹐黎明日前拍電影《不死情謎》一場撞玻璃戲時弄傷頭部，更需留院縫十針。休息一天，昨日黎明首日復工，在中環鬧市與謝天華拍對手戲，黎明雖然臉色不錯，但仍掩蓋不了一臉疲態。導演劉偉強亦很識做，只要他應付一些行行企企的鏡頭，並沒有危險動作，但黎明為求安心，埋位前先點了一炷清香拜神。

黎明昨日講述受傷經過時，仍猶有餘悸地說：「我衝過塊玻璃時，到一半都知中頭獎，但諗住做埋個落地動作先，最好笑係之後個個望住我，但冇一個人表情話畀我知流緊血，我叫化妝師形容下個傷口，佢話同『片皮鴨』一樣！」
一周後拆線

黎明還表示，是他主動要求導演劉偉強到醫院縫針，他說：「因為要連戲，所以就算過海都要搵相熟醫生，否則一定要剃頭髮，但最激氣係我次次都係呢個位受傷，早年去武漢開個唱已經被花炸傷過一次，呢次縫針要戒蝦、戒蟹、戒辣就更加慘。」

黎明笑言縫針當日，醫生以為他流了許多血，因玻璃都染滿紅色，但其實只是玻璃本身貼上紅色紙。他現在每天都要洗傷口幾次，包括出街及洗頭後，他說：「醫生話一星期後就可以拆線，依家傷口間唔中都會痛，惟有一痛就食止痛藥囉！」

對於大家讚他拍戲投入兼搏命，黎明則說：「呢係我應該做，我唔係搏命，我一向唔贊成用生命去搏，但既然安全工夫做足，發生小問題係冇辦法，唔通包住個頭拍咩！」

受傷後，黎明連父母也沒有通知，他說：「阿爸打過電話畀我，知我冇事就冇，阿媽就哦兩句，但俾我番佢轉頭。（佢關心你！）關心同長氣係兩回事。」

(//www.dajiyuan.com)

    相關文章