მაისი 25, 2018

31 მარტი საქართველოს პირველი პრეზიდენტის, საქართველოს ეროვნული გმირის, მეცნიერ-ფილოლოგის, მწერლის, მთარგმნელის, საქართველოს ეროვნულ-განმანთავისუფლებელი მოძრაობის ერთ-ერთი ლიდერის, ზვიად გამსახურდიას დაბადების დღეა.

ამ დღესთან დაკავშირებით, ზუგდიდის მუნიციპალიტეტის საკრებულოს თავმჯდომარე მამუკა წოწერიამ, მოადგილეებთან, ადგილობრივი ხელისუფლებისა და საზოგადოების სხვადასხვა სფეროს წარმომადგენლებთან ერთად, საქართველოს პირველი პრეზიდენტის და ეროვნულ-განმანთავისუფლებელი მოძრაობის ერთ-ერთი ლიდერის ზვიად გამსახურდიას ბიუსტები, ზუგდიდში, დარჩელსა და ჯიხაშკარში გვირგვინებით შეამკეს და მის ხსოვნას პატივი მიაგეს.

დღესვე ზუგდიდის მუნიციპალიტეტის საკრებულოს სხდომათა დარბაზისთვის ზვიად გამსახურდიას სახელის მინიჭების ოფიციალური ცერემონიალი გაიმართა. შეხვედრაზე საკრებულოს თავმჯდომარემ მამუკა წოწერიამ საქართველოს უახლოეს ისტორიაში ზვიად გამსახურდიასა და ეროვნული მოძრაობის როლის შესახებ ისაუბრა და ქვეყნის დამოუკიდებლობის აღდგენისა და სუვერენული სახელმწიფოს ჩამოყალიბების პროცესისთვის 1991 წლის 31 მარტის რეფერენდუმის მნიშვნელობას გაუსვა ხაზი.

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *