მაისი 25, 2018

ადგილობრივი თვითმმართველობათა ორგანოების წარმომადგენლებს, „ათეა“-ს აღმასრულებელი დირექტორის მოადგილე ნათია ღვინაშვილი, ასოციაციის წარმომადგენლები და თვითმმართველობის ექსპერტი  დავით ზარდიაშვილთან შეხვდნენ.

ნათია ღვინაშვილმა მუნიციპალიტეტების ხელმძღვანელ პირებს ორგანიზაციის საქმიანობის შესახებ დეტალური ინფორმაცია მიაწოდა და აღნიშნა, რომ ის პროექტები, რომლებსაც „ათეა“ მომავალში განახორციელებს, უფრო მიზნობრივი და მაქსიმალურად მორგებული იქნება იმ საჭიროებებზე, რომლებიც მუნიციპალიტეტებში არსებობს.

შეხვედრაზე, მხარეებმა  დეცენტრალიზაციის მნიშვნელობაზე ისაუბრეს და აღნიშნული რეფორმის როგორც დაგეგმვის, ასევე მისი განხორციელების პროცესში ორგანიზაციის როლზე იმსჯელეს.

შეხვედრის მონაწილეებმა იმედი გამოთქვეს, რომ ერთობლივი მუშაობითა და მეტი კოორდინაციით შესაძლებელი გახდება თვითმმართველ ორგანოთა ხარისხის ამაღლება და ადგილებზე უფრო ეფექტიანი მმართველობის დამკვიდრება.

შეხვედრას, სამეგრელო-ზემო სვანეთის გუბერნიის რეგიონული პროექტების სამსახურის უფროსი ნუგზარ გაბელია, მუნიციპალიტეტების მერები, საკრებულოს თავმჯდომარეები და ადგილობრივი თვითმმართველობების შესაბამისი სამსახურების წარმომადგენლები დაესწრნენ.

საქართველოს ადგილობრივ თვითმმართველობათა ეროვნული ასოციაცია ანალოგიურ შეხვედრებს ქვეყნის მასშტაბით ყველა მუნიციპალიტეტში გამართავს.

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *